Zumeatarra elkartearen danborrada, egunez eta gauez

Parte-hartzaile askoko danborada izan zen Zumeatarra elkarteak antolatu zuena atzo, jaien lehen egunean. Egoitzan bildu, bertatik abiatu eta pregoiaren ekitaldira joan zen zuzenean, ohi duenez. Ondoren, kaleetan zehar jarraitu zuen danbor eta barril hotsak zabalduz. Gaueko 09:15etan Santa Krutz baselizan emanaldi berezia egin zuen, eta besteak beste, elkartearen ereserkia eta Santa Krutz martxa jo zituen bertan.