Txokolatea eta bizkotxoak
Goikoplazara hurbiltzen denari txokolate beroa eskainiko zaio. Glutena hartzen ez dutenentzat ere egokia da. Batzokia elkartearekin lankidetzan prestatuko da. Bizkotxoak ere denentzat izango dira, baita glutenik gabe elikatzen direnentzat ere.
Txalaparta
Maizorri txalaparta taldeko kideek saioari hasiera ematen diotenean, eguneko lehen ikuskizuna abiatuko da Goikoplazan bertan.
Antzezlana
Zer da Gau Beltza? Nondik dator arimen gaua? Antzezpen laburraren bitartez Gau Beltzan murgilduko gaituzte Goikoplazan agertuko diren aktoreak.
Dantzariak
Aurten Urki dantza taldekoak ere batuko dira ospakizunera. Haurrak eta helduak, guztiak batera, parte-hartzailea den saiotxoa prestatzen ari dira.
Kalejira
Andoaingo Udaleko Kultura Lansailaren eskutik, Goikoplazatik abiatuko da kalejira. Iazko konpainia bera da. Ziur, aurten ere, ikuslegoa harrituko duela.
Beldurraren pasabidea
Irunberriko kideei esker, benetako beldurra sentitzeko aukera izan zuten, haur eta gaztetxoek. Aurtengo ediziorako prest dira. Beldurraren pasabidea igarotzen duenak, bestalde, saria jasoko du: gaztain-erreak.
Taloa
Kotoi elkartearekin lankidetzan, taloa eskainiko da kalejiraren amaiera aldera. Txistorra, , gazta, hirugiharra eta txokolatea, aukeran. Txartela aldez aurretik erosi behar da. Agortzear dira, hori bai.
Zezen-suzkoa
Iazko edizioan irten gabe geratu zen Lebi, euria zela-eta. Lebiton konpartsako kideak gogotsu daude. Etxeberrieta plazan ariko dira.
EGITARAUA
Asteartea, 31
- 18:15 Txokolate beroa eta bizkotxoak, Goikoplazan. Doakoa da, eta bertaratu besterik ez da egin behar horretarako jarritako mahaira. Guztiek jateko modukoa izango da,
baita glutena hartzen
ez dutenentzat ere. - 18:50 Txalaparta, antzezlan laburra eta Urki dantza taldearen saioa, Goikoplazan.
- 19:15 “Akerrak okerrak” kalejira Goikoplazatik abiatuko da, Kale Nagusian barrena, Etxeberrieta plazarantz.
- 19:15 Beldurraren pasabidea Irunberri elkartean. Doakoa da, eta bertan jarritako ilara jarraitu beharko da elkartearen barrualdera sartzeko. Gaztain-erreak eskainiko dituzte.
- 20:00 Talo-jatea, edariak eta musika, Etxeberrieta plazan. Txartelak 5 eurotan salgai Keinun, Urratsen eta Aiurrin.
- 21:00 Zezen-suzkoa, Etxeberrieta plazan. Lebiton konpartsako saioarekin amaiera emango zaio aurtengo ospakizunari.
