Mendoza Escribano familiak “Mendoza Txurreria” saltokia Kale Berrian 1960-1996 aldian irekita eduki zuen.
Txurreriaren eta bera kudeatu zuen Mendoza Escribano familiaren oroitzapena betidanik gorde izan dute makina bat andoaindarrek, negozioa irekita ezagutu eta bertan saltzen zituzten txurro goxoak probatzeko aukera eduki zutenek batik bat.
Oroitzapen horrek bultzatuta, 2023ko irailaren 30ean, ekitaldia egin zuten txurreria egon zen leku berean, Burdina taldeak antolatuta. Bertan, txurro-saltokiaren argazki erraldoia eta eserlekua (hitzorduetan zain egoteko) ipini zituzten, eta aldi berean, bere historia kontatzen duen liburuxka plazaratu zuten.
Ekitaldi hartako argazki-bilduma eta bideoa, ikusgai, hemen.