Covid19 | Datuak egunez egun

58 kasu berri Andoainen, eta intzidentzia-tasak 1.000ko langa gainditu du

Arrtxiboko irudia.

Aurreko astean hasitako oldarraldiak tinko dirau Andoainen, eta gainerako udalerrietan apalagoa da igoera. Urnieta da Andoainen atzetik gehien igotzen ari dena, eta Asteasun egoera egonkortu dela dirudi.

Aurreko astean Andoaingo intzidentzia-tasa 160tik 400era igo zela jakin zen, eta iraganeko positibotasun maila handia eskualdera bortizki sartu zela adierazi genuen. Bereziki Andoainera. Astelehenean Andoaingo joera hori nabarmen aldatu zen, positibotasun maila ia zortzi bider handitu arte. Astez asteko alderaketan inoizko igoera handiena izan zen Andoainen. 

Astelehenean 12 kasu berri eman ziren, asteartean 30 eta asteazkenean 16. Kasu askotxo, gauza onerako.

Baina beste udalerri batzuetan ere tentuz ibili behar dute, bereziki 5.000 biztanletik gorakoen artean. Asteasu txikiagoa izanik, azken bi asteetan dozenatik gora positibo agertu dira. Bataz bestekoaren gainetik. Gaurko boletinari erreparatuta, egoera baretu dela dirudi.

Birusa ez zen erabat joan, eta alarma egoera bertan behera utzi eta zazpi astera positibotasuna eta intzidentzia-tasa metatua etenik gabeko goranzko joeran sartu dira.

Positiboak udalerrika

  • Andoain: Azaroak 22-24: 58 kasu berri / Azaroak 15-21: 107 kasu.
  • Urnieta: Azaroak 22-24: 17 kasu berri /  Azaroak 15-21: 20 kasu.
  • Amasa-Villabona: Azaroak 22-24: 6 kasu berri / Azaroak 15-21: 19 kasu.
  • Asteasu: Azaroak 22-24: 0 kasu berri / Azaroak 15-21: 17 kasu.
  • Zizurkil: Azaroak 22-24: 6 kasu berri / Azaroak 15-21: 6 kasu.
  • Aduna: Azaroak 22-24: 0 kasu azken bost asteetan.
  • Larraul: Azaroak 22-24: Kasu bakarra azken bost asteetan.

Intzidentzia-tasa metatuta, ostegunetik ostegunera

Bost milatik gorako udalerriak, eskualdean:

  • Andoain: 1.160,93
    Az.22: 807,31 / Az.18: 400,32 / Az.14: 160,13.
  • Amasa-Villabona: 456,31
    Az.22: 405,61 / Az.18: 287,31 / Az.14: 219,71.
  • Urnieta: 676,44
    Az.22: 402,64 / Az.18: 257,69 / Az.14: 128,85.
  • Gipuzkoa: 648,20
    Az.22: 510,37 / Az.18: 396,00 / Az.14: 308,55.

Ospitaleratzeak

  • Azaroak 24: UCI-ZIUtan (36) eta ospitaleratzeetan (179).
  • Azaroak 21: UCI-ZIUtan (31) eta ospitaleratzeetan (168).
  • Azaroak 17: UCI-ZIUtan (30) eta ospitaleratzeetan (114).
  • Azaroak 14: UCI-ZIUtan (30) eta ospitaleratzeetan (114).

 

 

 

 

 

Erlazionatuak

Tsunamia Andoainen

Eskualdea

Asteleheneroko datu epidemiologikoei erreparatuta, Andoainen egon den garapena harrigarria da. Azaroak 8-14ko astean 14 kasu berri izan ziren, azar...
Eta bat-batean balitz bezala, hemen da seigarren olatua

Andoain

Nola iritsi gara honaino? Bat baino gehiago kezkaz beterik izango da egun hauetan, lerroburuetara murrizketak itzuli direlako. Urko Vallejo herriki...
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!