Itzalita dago Hernioko sutea

Sute handia izan zen atzo iluntzean Hernio mendian. Errezil aldeko magalean sortu ziren garrak eta bi foku zituen; Zelatun inguruan bat, gorago bigarrena. Gau guztian lanean aritu ondoren, sua mendean hartzea lortu dute suhiltzaileek goizaldera, eta dagoeneko itzalita dago. Ez da baserririk kaltetu eta inor ez da zauritua gertatu.
Suteak utzitako ondorioak garbi ikusten dira Bidaniatik.