Ez zen erraza garaipena, baina aurreko Aiurrin Andoni Urbistondori aitortutakoaren arabera, Julen Gabirondok lan handia hartu zuen desafioa prestatzen. Denbora eta diru inbertsio handia egindakoa zen, bere buruaren eta aurkariaren aurka lehiatu eta garaile irteteko. Lehen lanetan, egurrarekin egindakoa, serio-demonio aritu behar izan zuen kirol jarduera horretan dituen gabeziak gainditu eta airoso ateratzeko. Bigarren proban, segan, parekorik ia ez duela argi geratu zen. Eta garaipen polita lortu zuen urnietarrak.
"Mikel Garaialde lagunak esaten zidan beti, apustuak egiteko, eta dagoen lekutik sentituko dut bere indarra". 2018ko abuztuan galdu zuen txikitako laguna, Gabirondok. Eta hura gogoan du lehiatzen den aldioro.
Atzokoan, Twitter bidez, Andoni Urbistondok desafioaren kronika egin zuen:
Zenbaketa:
— andoni urbistondo (@urbixxx) June 26, 2021
ZALDUA: 2966.5 kilo
GABIRONDO: 3635.5 kilo.
Urnietarra garaile!!!
Datorren Aiurri astekarian probaren kronika jasoko dugu.
