“Azken bilera irekia egin genuenetik hilabete pasa da. Badakigu gure berrien zain zaudetela, baina orain artean ez badugu informazio berririk eman, aurrera pauso aipagarririk egon ez delako izan da.
Prentsaurrekoari esker, udala gurekin harremanetan jartzea lortu genuen eta negoziaketarekin hasteko prest zeudela adierazi ziguten. Hortaz, ordenantza aldatzeko gure proposamena luzatu genien, puntuz puntu azaldua, eta beraien proposamenarekin erantzuteko konpromisoa hartu zuten.
Adostutako epeetan ez dugunez proposamenik jaso, ezin izan dugu negoziaketa hasi.
Hori dela eta, aldaketarako bermerik ez dugula ikusita, 2025ko San Migel jaietarako ez dugu txosnarik jarriko ezta jai egitaraurik antolatuko, nahiz eta hurrengo urteari begira negoziaketarekin hasteko prest gauden.
Aurrerago deialdi ireki bat luzatuko dugu informazio gehiago emateko asmoz”.