Tokiko ekoizleen produktuz bete da plaza: Adarrazpik (gazta, esnekiak eta ardikiak), Errekaldek (barazkiak), Gurutzeta-Mokok (barazkiak eta loreak) eta Telleriak (haragia) postu bana jarri dute. Era berean, bertan izan dira Sorginak ere, apaingarriak eta sorginekin lotutako elementuak saltzen. Altuna sagardotegiaren kupela lagun, txistorra eta gazta dastatzeko aukera izan dute urnietarrek, Denda Berri jubilatuen elkartearen eskutik.
Dantzak, halaber, protagonismo berezia hartu du, pixkanaka gorpuzten ari den "ADK2.5” ikuskizuna egin baitu Aukeran dantza-konpainiak.
