Hona herriko zeintzuk izan ziren jantziak erakutsi zituzten dendak: Titare, Garintza, Gema Loradenda, Zubimuxu, Eizmendi Kirolak, Duna Oinetakoak, Kaori & Amlu eta MP Boutique.
Plaza bete zuten ikusleen txalo beroak jaso zituzten guztiek ere.
Garazi Loradendak apaindu zuen gunea, eta Eizmendi eta Hamabost ileapaindegiek zaindu zituzten modeloen irudiak. Oizeder Mayok aurkeztu zuen "Moda Biziz" ekitaldia eta DJ Zigor-ek girotu zuen musikarekin. Oier Labordek, berriz, aparteko dantza-saioa eskaini zuen ekitaldian barrena.
Oria Merkatarien Elkarteak abenduaren 1ean aurkeztu zuen Gabonetako kanpainan kokatu behar da atzoko moda desfilea. Hain zuzen, abenduaren 4tik urtarrilaren 7ra bitartean hainbat jarduerez eta ekitaldiz osatutako egitaraua prestatu dute, Gabonetako giroa sustatzeko eta tokiko merkataritzaren dinamizazioa indartzeko helburuarekin.
