Koronabirusa

Udaleku irekiak bertan behera utzi dituzte Andoainen

Murga Sailburuaren agerraldia eta gero, larunbat arratsaldean Andoaingo udaleku irekiak bertan behar uzteko erabakia hartu zen. Udalak uztailean "Leitzaran abentura" eta "Uda Kirola" antolatu ditu. Sport Madness enpresak, bere aldetik, "Andoain konkistatzera". Guztiak bertan behera geratu dira. 

Osasun Sailak, Eudel Euskadiko Udalen elkarteekin batera, udalekuak bertan behera uzteko erabakia hartu du.

Andoaingo udalekuen kasuan, uztailaren 16an amaitu zen lehen txanda "Leitzaran abentura", "Uda kirola" eta "Andoain konkistatzera" udalekuen kasuan. La Salle Berrozpek sustatu duen "Kanpezu bizirik" pasa den uztailaren 10ean amaitu zen.

Haurren gurasoei jakinarazpena

Uztaileko lehen txanda amaitu eta biharamunean, bigarren txanda eteteko agindua iritsi da. Sport Madness enpresak etenaldiari dagokion jakinarazpena atzo arratsaldean email bidez helarazi zien haurren gurasoei. Andoaingo Udalak gaueko 21:00tan adierazi zuenez, "Eusko Jaurlaritzak udalekuak bertan behera geratzen direla iragarri du. Horrek Andoainen goizez antolatzen diren udaleku ezberdinei eragiten dio. Familiekin harremanetan jartzen ari gara".

Erlazionatuak

"Kanpezu bizirik"

Andoain

La Salle Berrozpe ikastetxeak urte luzez Arabako Kanpezun udalekuak antolatu ditu. Aurtengoan, Koronabirusa dela eta, Andoaindik atera gabe Kanpezu...
"Andoain konkistatzera" udaleku irekiak

Andoain

Sport Madness enpresak antolatu dituen udalekuetan begirale lanetan dabil Irati Uranga andoaindarra. Koronabirusa dela eta, udalekuak ez-ohiko modu...
'Leitzaran abentura' kirolari lotutako udaleku irekiak

Andoain

Segurtasun neurriak hartuta kirola eta udalekuak uztartu daitezkeela erakutsi digute hiru andoaindarrek.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!