Gipuzkoako erresidentzietako grebalariek martxa ezberdinak antolatu dituzte datozen asteotarako. Donostian izango dira gaur mobilizazioak eta, Amasa-Villabonako Santiago egoitzako grebalariek, urriaren 14an izango dute martxa, 12:00etatik 14:00etara. Jarraian, datozen egunetako mobilizazioak:
Larrialdi demokratikotzat jo du Gure Esku Dago ekimenak, espetxean dauden Kataluniako eragile sozial eta politikoen aurka Auzitegi Gorenak argitara eman duen epaia. Desadostasuna agertzeko elkarretaratze zaratatsuak deitu dituzte. Andoaingoa 19:30ean izango da, Goikoplazan. Aiztondokoa, Zizurkilen egingo dute, 19:30ean hasita, Joxe Arregi plazan. Urnietan, berriz, San Juan plazan 19:30ean hasita.
Zizurkilgo eskulan ikastaroko ikasleen erakusketa inauguratuko da gaur, iluntzeko 19:30ean, Plazida Otaño liburutegiko erakusketa-gunean. Hainbat estilotako margolanez osatutako erakusketa da, olioak, grabatuak eta beste hainbat teknika uztartzen dituena. Urriaren 15era bitartean ikusi ahal izango da, liburutegia zabalik dagoen ordutegian; hau da, astelehenetik ostiralera 10:00etatik 13:00etara bitartean eta 16:00etatik 20:00etara bitartean, eta larunbatetan 9:30etik 13:30era bitartean.
Teodoro Hernandorena Kultur Taldeak Pello Mari Otaño bertsolari handiaren omenezko bertso-paper lehiaketa antolatu ohi du urtero, Harituz Bertsozale Elkartearen lankidetzarekin. Aurtengoan parte hartu nahi dutenek, azaroaren 17ra arteko epea izango dute lanak aurkezteko.
Urritik abendura bitarte, hilabete bakoitzean bi saio eskainiko dira. Saio guztiak ludotekan izango dira 17:30ean. Hauxe da egutegia: Urriak 11: Marisa Tabernero Urriak 25: Ixabel Agirresarobe Azaroak 8: Marisa Tabernero Azaroak 22: Ixabel Agirresarobe Abenduak 5: Marisa Tabernero Abenduak 20: Ixabel Agirresarobe
Urriak 12, larunbata 19:30 / 22:00 Urriak 13, igandea 19:30 Urriak 14, astelehena 21:00
Gurasoek bertako espazioa, funtzionamendua eta hezitzaileak ezagutzeko aukera izango dute.