Ehun urte bete dira aurten Xoxokako eskolaren sorreratik. Hori horrela, mendeurren ekitaldia antolatu du uztailaren 6an Urnietako Udalak Xoxoka-Goiburu auzo elkartearekin batera. Goizeko 11:00tan izango da hitzordua: ibilbide historikoaren errepasoa egiteaz gain, auzoko haurrek dantzaz, musikaz eta bertsoz osatutako emanaldia egingo dute.
Gipuzkoako Sega Sail txapelketa jokatuko dute igandean, Zizurkilen. Julen Gabirondo, Jon Larrañaga eta Mikel Lizartza lehiatuko dira, Arizmendi baserriko belardian, 12:00etan hasita. Ondoren, segalari beteranoek erakustaldia eskainiko dute; Leon Albeniz 'Iruntxiberri', Juan Manuel Erasun eta Jose Antonio Matxain arituko dira segan.
Prezio berriak ezarri dituzte hiri barruko autobus zerbitzuan. Bide batez, abuztuan martxan izango da.
2014 eta 2017 urteen artean jaiotako neska-mutilei zuzenduta, Euskaldunak Futbol Eskola antolatu du ikasturte berrirako. Izena emateko epea uztailaren 15a bitarte zabalik dago.