Datorren igandean, apirilak 14, Bizkaiako mendietara irteera antolatu du Aizkardi mendi taldeak. Hain zuzen ere, Zugastietatik (420 m) abiatuko dira, El Regato (62m) herrira jaitsi eta handik Eretza (887m) eta Ganerane (823m) mendietara igo ostean, abiapuntura itzuliko dira berriro. Sei bat orduko ibilaldia izango da, 23 kilometroko bidea.
Euskaldunak ibilaldi neurtua iragarri du: Luzea: Andoain, Belkoain, Atxulondo, Oria, Azkorte, Kraft, Marizulo, Adarra, Bertxin, kanalak, Goiburu eta Andoain (42 Km). 07:00. Motza: Andoain, Belkoain Atxulondo, Oria, Azkorte, Kraft eta Andoain (22 Km). 08:00. Familiarra: Andoain, Axukalte, Uban, Baltzun, Marizulo, Pardaki eta Andoain (13 Km). 09:00.
Gasteizen amaituko da 21. Korrika apirilaren 14an. 12:30ean iritsiko da Korrika Andra Mari Zuriaren plazara. Bertan ekintza mordoa antolatu dira: herri bazkaria, photocall-a, Korrikaren ahizpen erakusketa, kale animazioa, emakume bertsolariak, umeentzako jolasak...
Saroben "Smallfoot" filma proiektatuko dute euskaraz, 17:00etan. Sarrera: 4 euro.
Joseba Apaolaza eta Aitziber Garmendia dira "Rita" antzezlaneko protagonistak. Txalo produkzioak ekoiztutako antzezlana da. Sarrerak aldez aurretik eros daitezke 10 eurotan Amasa kafetegian eta Basajaun liburu-dendan, edota egunean bertan lehiatilan 12 eurotan.
‘Oporretan euskaraz’ ekimenean izena emateko epea zabalik da. 2003 eta 2011 urte artean jaiotako haurrei zuzendutako ekimena da Oporretan Euskaraz. Ekaineran 24tik uztailaren 17ra, goizeko 9:30etatik 13:30etara bilduko dira haurrak begiraleekin. Izena ematea zabalik maiatzaren 29ra bitarte. Informazio gehiago: 943 692 495.
Lehiaketak Urnietako sei leku esanguratsuren argazkiak atera eta osatutako bilduma aurkeztuko da lehiaketara.
Aiztondo Zerbitzuen Mankomunitateak udaleku irekiak antolatuko ditu, ekainaren 26tik uztailaren 19ra. Udaleku horietan begirale lanak egiteko deialdia zabalik izango da apirilaren 1etik 17ra. Bete beharreko baldintzak, jarraian:
Apirilaren 10ean jarriko da berriro martxan Pausoka, adinak ez du inporta ekimena, Zizurkilgo Elizpe jubilatu elkarteak eta Zizurkilgo Udalak elkarlanean antolatua. Asteasuko bidegorrian barrena ibilaldia egingo dute jubilatuek, goizeko 10:30ean Elizpe jubilatu elkartetik bertatik abiatuta.
Aduna, Alkiza eta Larraulgo udaleku irekietan parte hartzeko izen-ematea zabalik egongo da apirilaren 10etik maiatzaren 10era. Ludoteka zerbitzua ere antolatuko dute 3 eta 6 urte arteko txikientzat.