Urki Dantza Taldeak antolatuta, gonbidatu ugari hurbilduko dira egitaraua borobiltzera.
Iduzkilore antzeztaldearen eskutik, "Ihesi" antzezlanaz gozatu ahal izango dute antzerki zaleek Goiburu auzoko San Esteban elizan, igandearekin, 12:00etatik aurrera. Sarrerak 5 eurotan daude salgai, eta Urrats inprimategian edo egunean bertan eskura daitezke. Ainhoa Elizondo andoaindarra da aktoreetako bat antzezlanean; Aiurriri elkarrizketa eskaini dio, eta aste honetako astekarian irakurri ahal izango dira bere adierazpenak.
Maiatzaren 20tik ekainaren 10era zabalik egongo da proposamenak aurkezteko aukera. Herritarrei zuzendutako deialdia da honakoa eta derrigorrezkoa izango da lanak erabat originalak izatea.