Urriko jai handia iragartzeko festa. Amasa, Zizurkil eta Villabonatik abiatuko dira hiru talde, altxorraren jolasa eginez. Bidean, hiru horma-irudi inauguratuko dituzte. Zizurkilgo Joxe Arregi plazan elkartuta, ekitaldia egingo dute. Ondoren, kalejiran Villabonara gerturatuko dira aiton-amonekin jolasean aritzeko.
Kilometroak 20 festa nagusia urrian izango bada ere, Zubimusu ikastola buru-belarri ari da urte osorako ekintzak antolatzen. Ekintza horietako bat Kilometroak Txikia jaia izango da, eta urtarrilaren 26an egingo da, datorren igandean, goizeko 10:30ean hasita, eskualdea girotzen hasteko.
Tomaxen abenturak kontatzen dira 'Azken balea' izeneko haur antzerkian. Umorea, magia, kantak eta jolasak dira nagusi bertan.
Sarrerak online eros daitezke Bastero Kulturguneko webgunetik.
"Izeba tekla" ikuskizuna, Xabier Lizasoren eskutik. Musika, jolasa eta pianoa. Arratsaldeko 18:00etan Saroben.
Sarrerak online eros daitezke Bastero Kulturguneko webgunetik.
Irailean udalean ordezkaritza duten alderdi politiko guztiei aurkeztu genien Ipar Haizeatik idatzi dugun dokumentua, Andoaingo hondakinen kudeaketa eta gaikako bilketa hobetzen segitzeko asmoz.
Urtarrilaren 31ra arte luzatuko den janari bilketa Tolosaldea Sahararekin elkarteak antolatzen du. Herri mailan, Fleming herri eskolak, Zubimusu ikastolak, Oria merkatarien elkarteak eta Amasa-Villabonako Udalak egin dute bat ekimenarekin.
Modelismoa Estatikoko Gipuzkoako Elkarteak erakusketa berezia antolatu du asteburu honetarako Zizurkilen, Udalarekin elkarlanean. Atxulondo kultur etxeko areto nagusian pieza ezberdinak jarriko dituzte ikusgai eta lanak nola sortzen dituzten ere erakutsiko dute. Larunbatean egun osoan zehar ikusi ahal izango dira lanak, 10:00etatik 14:00etara eta 16:00etatik 20:00etara, eta igandean goizez, 10:00etatik 14:00etara.
Larunbatean, erakusketa zabalduko dute motxila ibiltariak emandako fruituekin. Transmisioa landu dute oraingoan. Beraz, bertan izango dira ikusgai, otsailaren 8ra bitarte, gure txikiei etxean erakutsitako abesti, jolas, errezeta eta bestelakoak. Etxeetako ondarea ezagutu nahi izanez gero, gerturatu liburutegira, larunbata goizean, 11:00tatik aurrera.
Altuera ertaineko gizon bizarduna bilatzen ari dira bideo bateko protagonista izateko. Texturik gabekoa izango da. Ez da ordainduko. Grabaketak urtarrilaren 25, 27 eta 29 egunetan izango dira. Informazio gehiagorako jarri kontaktuan moraguesmarcandreu@escivi.com edo 610 479 689 telefonora.