Enpresetan ingurumenak duen garrantziaz jabetzeko saioa antolatu du Beterri Saretuz ekimenak, hilaren 29an, Usurbilgo Lanbide Eskolan, goizeko 11:00etatik 13:00etara. Isladak aholkularitza kooperatibako Aiala Zubietak gidatuko du eta eskualdeko kooperatiba, proiektu nahiz erakundeei zuzenduta dago saioa eta izena emateko epea zabalik dago oraindik.
Hiru saioen ardatza: emakume migratuek bizi eta jasaten dituzten talka kulturalak ikusaraztea eta haiekin enpatizatzen saiatzea. Lehenengo filmak umoretik jorratzen du, bigarrena drama bat da eta hirugarrena testigantzak biltzen dituen dokumental bat da.
Udaberrirako ere proposamenak ditu Zilegi Eskolak: apirilaren 19an, Sarah Alfonso AEK-ko ikasleak etxearen ordainketaren gaineko gakoak emango ditu, arratsaldeko 18:30ean, Saroben.