Adi! Oraingoan Plazido Muxika plazan dagoen Gaztelekuan egingo da odol-emate saioa. Boluntarioek ondorengo telefono zenbakira deitu beharko dute, txanda hatzeko: 943 00 78 85.
Bihar, hilak 28, Korrikaren aurkezpena izango da Urnietan, herriko AEKren eskutik. Guria taberna egingo da hitzordua, arratsaldeko 19:30ean hasita. Bertan, ibilbidearen nondik norakoez mintzatzeaz gain, bideokliparen erakustaldia egingo da, bai eta parte hartzeko aukeren berri eman ere.
Martxoaren 31tik apirilaren 10era bitarte ibiliko da pausuoz pausoz, eskuz esku Korrikaren lekukoa Euskal Herrian barrena. Baina lasterketa erraldoiaz gain, hitzordua amu gisa hartuta, hainbat ekintza antolatuko ditu AEK-k hurrengo hilabeteetarako.
Herritar talde batek uztailetik hona indarrean dagoen bus zerbitzuarekin desadostasuna agertu du, eta hainbat proposamen egin nahi dizkiote Gipuzkoako Foru Aldundiari. Proposamen horiek babesteko sinadura kanpainari ekin diote.
Ohiturari eutsita, On Manuel Antonio Antia literatur lehiaketa antolatu du Urnietako Udaleko Euskara Sailak. Dagoeneko irekita dago lanak aurkezteko epea eta martxoaren 18 izango da horretarako azken eguna.
130 etxebizitza ari da eraikitzen Ermotegiko eremuan Britac Proyectos S.L. sustatzailea. Horietatik 25 babes ofizialekoak izango dira eta beste 25, berriz, tasatuak. Hala, Etxebideren webgunean argitaratu da etxebizitza tasatuetan izena emateko epea. Etxebizitza horietakoren bat erosi nahi eta esleipen-prozesuan parte hartzeko interesa duten herritarrek otsailaren 14ra arteko epea dute Etxebideri idatzi baten bidez jakinarazteko.