"M ama* eme* ume*" du izena Estitxu Fernandez Maritxalar kazetariak eta Erika Lagoma Pombar bertsolariak argitaratu berri duten liburuak. Hori horrela, Andoaingo Martin Ugalde kultur parkean izango dira gaur, iluntzeko 19:00etan, obraren nondik norakoez jarduteko. Bertan, autoreekin batera, Alaine Agirre idazlea egongo da dinamizatzaile-lanetan.
Demode Produkzioak “Itsatsita” antzerki musikalaren aurrestreinaldia egingo du ekainaren 2an Sarobe arte eszenikoen gunean, iluntzeko 20:00tan.
Zur taila ikastaroko ikasleek 2021/2022 ikasturtean egindako lanen erakusketa egingo dute Lekaio kultur etxeko areto nagusian, ekainaren 2an eta 4an, arratsaldeko 17:00etatik 20:00tara.