HerriBIZIgunek bertsolaritzaren inguruko saio teoriko-praktikoa antolatu du apirilaren 17rako. Argurutze udal lokalean eskainiko dute saioa, 18:30etan hasita. Bertsotan nola egiten den ikasi ahal izango dute parte-hartzaileek. Izena emateko, 656 743 741 telefono zenbakiarekin jarri behar da harremanetan.
Agertokian bi artista izango dira: Sara Azurza “Hiri Ilunen Umeak” 2025an argitaratutako diskoarekin eta Esanezin “Hormetan idazten” azken lanarekin. Kontzertu batetik besterako aldaketan, atsedenaldi labur bat egongo da. Apirilak 17, ostirala.19:30, Bastero.
Asteasuko udaleku ireki eta udaleko parte-hartzaileetako begirale izateko izen-ematea zabalik egongo da apirilaren 17ra arte. Udaletxean eta kultur etxean daude eskuragarri inprimakiak eta bertan utzi ahal izango dira inprimaki osatua eta dokumentazioa.
Apirilaren 25ean, Kubara bidaltzeko oinarrizko produktuen bilketa antolatu dute elkarlanean Euskal Herriko Ikasle Antolakunde Sozialistak (IAS), Euskal Herriko Kontseilu Sozialistak (EHKS) eta Euskadi-Cuba elkarteak. Guztira, Euskal Herriko 93 herri eta auzotan antolatu dituzte bilketak.
Astelehenean hasiko da Amasa-Villabonako Kirol Hamabostaldiaren edizio berria, eta apirilaren 26ra arte luzatuko da. Udalak ostegunean aurkeztu zuen egitasmoa prentsaurrekoan; herriko kirol elkarteekin elkarlanean osatutako egitarau zabala prestatu dute, adin guztietako herritarrei zuzendua.
Erakusketak, 1936ko kolpe militarraren aurkako erresistentzian Frantzia, Belgika, Britainia Handia, Katalunia, SESB eta Amerikara ebakuatutako haur andoaindarren ondarea biltzen du. Erakusketen ordutegia Astelehenetik ostiralera: 18:00–20:00 Larunbatetan : 10:30–13:30 / 18:00–20:30