Euskal Herriko eszena berriko ahotsik berezienetarikoa da Sara Zozayarena. Bere proposamenak lofia, pop experimentala, minimalismoa eta euskal tradizioa uztartzen ditu. Oraingoan, “Attä” lan berrienarekin dator: bizitasun estetiko eta emozional handiko ikuskizuna da, atmosfera hipnotikoak markaturiko soinu-paisaia berria eskaintzen duena. Biran laguntzen dion Itziar Garaluze bideoartistak sortutako murgiltze-esperientzia audiobisual batekin osatzen da ikuskizuna.
Berdintasun lansailak antolatuta, Yogurinha Borovak, Albina Stardustek, Divina Comediak eta Xarma Leonek ikuskizun paregabe, ausart eta dibertigarria eskainiko dute. Umorea, gabon kanta moldatuak eta begirada kritiko bezain festazalea. Gabonak anitzak dira eta ospatzeko mila modu daude, bakoitzak bere modura eta nahi duenarekin.