Kirol Gala antolatu du Urnietako Udalak, herriko kirolarien lorpenei aitortza egiteko
Gabonak Urnieta 2025abe 18, 15:18 Urnieta
Omenaldia egin nahi die Urnietako Udalak herriko kirolariei zein kirol-taldeei, urte osoan erdietsitako lorpenengatik. Hala, Kirol Gala antolatu du abenduaren 23an, Sarobe arte eszenikoen gunean. Arratsaldeko 19:00etan hasiko da ekitaldia eta Amane Arearen musikariak girotuko du iluntzea. Sarrera librea da, aforoa bete arte.
Autobusak antolatu ditu Hernanialdeko AEK-k, "Pizkundea" ekitaldira joateko
abe 18, 13:34 Urnieta
"Pizkundea" ekitaldia antolatu du Kontseiluak, abenduaren 27an. Bilbon izango da hitzordu erraldoia eta bertara joateko autobusak antolatu ditu Hernanialdeko AEK-k. Autobusak Urnietatik (14:45), Hernanitik (15:00) eta Astigarragatik (15:15) aterako dira, eta 19:15 aldera itzuliko dira. Eskuragarri daude, jada, txartelak, 15 eurotan eta interesa dutenek bi modutan izango dute aukera izena emateko: herriko euskaltegian bertan edo 662 338 747 telefono-zenbakira deituta.
