Ostiral iluntzean ospatuko da Pello Errota Bertsolari txapelketako finala, Asteasuko Itturriondo jatetxean. Hauexek izango dira lau bertsolari protagonistak: Agin Laburu, Ekhiñe Zapiain, Etxahun Lekue eta Maddalen Arzallus. Igotz Alkorta zizurkildarra arituko da gai-jartzaile lanetan. 

Ez du etenik palestinarren aldeko elkartasun olatuak: mobilizazioak izango dira Euskal Herri osoan, mugimendu feministak deituta, "Feministok Palestinarekin" lemapean. Bailaran, Amasa-Villabonan eta Andoainen egingo dute bilkura bana. Hitzordua urriaren 10ean da, 19:00tan hasita.