Parte-hartzaileei argazkiak atera eta atera aritu ziren Bizente Iguaran, Gorka Lopez, Pepo Alonso eta beste zenbait argazkilari boluntario atzo Aizkardik antolatu zuen 67. Mendi Ibilaldian barrena. Era horretan, goiz osoan egin zuten lan eskergaitzaren emaitza Euskal Herriko Iraupen Luzeko ibilaldien Zirkuituaren webgunean jarri dituzte ikusgai, hain zuzen.

400 parte-hartzaile izan ditu ibilbide motzak, eta 162 luzeak, Aizkardi Mendizale Elkarteak antolatuta. Eguraldi gorabeheratsua izan dute goizetik hasita guztiek ere, baina gogotsu ibili dira paraje zoragarrietan barrena, maldetan gora eta behera. Leitzarango bidean, Bertxin eta Txapelaren artean ateratako argazki-sorta, ikusgai.