Ostirala, maiatzak 9

18:00

Txantxane taberna-dendaren irekiera

Oier eta Jon Irazu  anaiek zabalduko dute Txantxane etxeko taberna-denda. Arratsaldeko 18:00etan zabalduko dituzte ateak. Zizka mizka batzuk jarriko dituzte eta Malkogarriyak taldearen musika ere egongo da.  DJ bat ere gerturatuko da.  Hortik aurrera, zabalik egongo da taberna-denda. Astegunetan 09:00etatik 21:00etara, asteburuetan beranduagora arte. Gosariak eskainiko dituzte goizetan eta baita zizka mizkak ere. Denda zerbitzua eskainiko dute: ogia eta premiazko produktuak; gertukoak eta kalitatezkoak.  

18:30

Loatzo musika eskolako bandaren emanaldia

Loatzo Musika Eskolako ikasleen bandak emanaldia eskainiko du ostiral honetan Gurea aretoan. 18:30etan emango diote hasiera ekitaldiari eta sarrera doakoa izango da.

08:00

Udaleku irekietarako eta ludotekarako izen-ematea

Udaleku eta ludoteka zerbitzuetan parte hartzeko izen-ematea zabalik dago Larraulen. Apirilaren 28an zabalduko da Adunan. Ekainaren 23tik uztailaren 18ra egingo dituzte udalekuak eta ludoteka. Izena emateko, maiatzaren 9ra arteko epea izango da.

12:18

Zubimusu Ikastola Haur-eskolako matrikula zabalik ikasturte osoan!

Zubimusu ikastolako Zizurkilgo haur-eskolako matrikulazio epea zabalik dago ikasturte osoan zehar! Proiektuaren eta 0-3 urte bitarteko haurrentzat haur-eskolak eskaintzen duen zerbitzuaren berri emateko, bisita pertsonalizatuak antolatzen ditugu. Honako hauek dira gure proiektuaren ardatzak: Haurraren erritmo eta beharrekiko benetako errespetua. Ordutegi (07:30 -17:00) eta egutegi zabala. Zaintza uneen balio hezigarria. Adin aniztasunean oinarritutako testuinguru segurua. Ludikotasunaren garrantzia (tailerrak) Hartu hitzordua emailez zubimusu@ikastola.eus edo 943 692321 zenbakira deituz eta ZATOZ!  

15:30

Emakumea eta hilerokoa

Martxotik ekainera,  'Emakumea eta hilerokoa' ikastaroa eskainiko dute Fraisoron. Hilerokoaren sintomatologia sendabelarrekin tratatzen ikastea da ikastaroaren helburua. Ainitze Sala izango da irakaslea eta izen-ematea dagoeneko zabalik dago. Horretarako, 943692162 zenbakira deitu edo fraisoro@fraisoroeskola.eus-era idatzi beharko da. 

18:30

Axeri Dantzak 25/50

Axeri Dantzaren urteurreneko erakusketa. Maiatzaren 9an, 18:30etan egingo da inaugurazio ekitaldia.