Muskerraren Eguna egingo dute igande honetan, maiatzaren 24an, Asteasun. Egitarauaren baitan, Bernardo Atxagak Muskerraren Bideko bisita gidatua eta Poema komikoak eta ez hain komikoak hitzaldia eskainiko ditu. Harrera Gunea ere zabalik egongo da bisitarientzat; larunbatean urtebete beteko da inauguratu zutenetik.
Andoaingo Udal Musika Eskolako Bandak kontzertua eskaini zuen atzo Asteasun, Usarrabi pilotalekuan. Emanaldia eguerdiko 12:00etan hasi zen, Mikel Emezabalen zuzendaritzapean, eta jende ugari elkartu zen bertan. Publikoak txalo zaparradaz erantzun zuen.
