Kalabazak, ipuinak eta afari-merienda, Zizurkilgo herrigunean
urr 31, 23:34 Zizurkil
Egun betea izan dute gaur Zizurkilgo herriguneko haurrek. Kalabazen prestaketan igaro dute goiza eta, arratsaldean, elkarrekin mozorrotzeko elkartu dira. Hustutako kalabazen argipean ipuin kontaketa egin ondoren, afari-meriendarekin bildu dituzte indarrak. Egunari dagokion bezala, ezusteko bat baino gehiago izan dute eta, festa giroan amaitu dute gaua.
Beldurrarekin jolasean, Zizurkilgo Elbarrenan
urr 31, 23:19 Zizurkil
Kalejiran ekin diote iluntzeko festari Elbarrenan. Otaño eskolatik plazarainoko bidea egin dute, Loatzoko trikitilarien laguntzarekin. Plazan elkartuta, beldurrak erre, gaztaina erreak jan, txokolate beroarekin goxatu eta Gau Beltzaz gozatzeko aukera izan dute zizurkildarrek.
