Urnietako baratze-parkeko 49 lursail zozkatuko ditu Urnietako Udalak, horiek erabiltzeko interesa duten herrikideen artean. Horretarako zozketa egingo da eta otsailaren 5ean amaituko da bertan parte hartzeko izen-emate epea. Udalak jakinarazi duenez, Bertan herritarren arretarako bulegoan gauzatu beharko da eskabidea eta "gainerako dokumentazio gehigarria aurkeztuta". Urtebeteko erabilera-epea izango du gehienez ere lursailaren esleipendunak eta lau urtez luzatu ahal izango du.

"Gure Adarraren sagardoa" lelopean, martxan da, jada, Urnietan ere, aurtengo txotx denboraldia. Oianume sagardotegian egin dute sasoiaren aurkezpen-hitzordua, gaur, eguerdiko 13:00tan. Denboraldiaren irekieraren lekukoa jaso du Ignacio Tancok, Nerea Arrutiri zein Imanol Ansari segida emanez. Tanco Europako Espazio Agentziaren eguzki-sistema arloko burua da. Atzerrian zerura begira dago eta, Urnietan, lurrak emandako fruitua dastatu du.