Asteasun “Euskarari buruzko hausnarkezkak” solasaldia izan dute Euskararen Egunaren harira. Parte-hartzaileen artean izan dira Xabier Usabiaga aurkezlea, eta Xabi Etxaniz eta Mila Iztueta irakasleak; moderatzaile lanetan, berriz, Amaia Agirre aritu da. Besteak beste, euskararen gaur egungo egoeraz eta etorkizunerako gakoez jardun dute.

Gabonak ate-joka diren honetan, argien pizte-ekitaldia egingo du Magale-Salestarrak ikastetxeak abenduaren 10ean. Urnietako Etxeberri plazan izango da hitzordua, arratsaldeko 18:15etik aurrera: dantzariak, trikitilariak, Olentzero zein Maridomingiren bisita, gabon-kantak, txokolatada... Zentroko askotariko mailatako ikasleek hartuko dute parte egitarauan.