Gaztelekuko puntista gazteek Bidarteko 2026ko Pilotari Ttiki Txapelketan jokatu zuten, joan den astean. Gazteleku Pilota Eskolatik adierazi dutenez, “urtero bezala, giro paregabean, zestaz gozatzeko eta lagun berriak egiteko aukera“ izan zuten gazteek. 300 haur baino gehiago bildu zituen txapelketak, Kostakoak pilota elkarteak antolatuta (argazkiak: Gazteleku Pilota Eskola).

Larraulen Kirol Astea antolatu dute asteburu honetarako, adin guztietako herritarrei zuzendutako ekintzekin. Ostiralean hasiko da egitaraua halterofilia saioarekin; larunbatean xakea izango da protagonista, eta igandean arte martzialak eta toka saioa izango dira. Jarduerak parkean eta plazan egingo dituzte. Xakean eta arte martzialetan parte hartzeko izena eman beharko da, eta maiatzaren 6ra arte egin daiteke telefono bidez, 634 289 327 zenbakira deitu edo mezua bidalita.